பீட்சா... - விமர்சனம்...

|

ஒரு படத்தினைப் பார்த்துவிட்டு, அதன் இயக்குனரை, கேமிராமேனை, நடிகரை கைகுலுக்கிப் பாராட்ட வேண்டுமெனத் தோன்றும். அவ்வாறு பாராட்டுவதற்கான ஒரு நிகழ்வு எத்தனை பேருக்கு படம் பார்த்த தியேட்டரில் கிட்டும் என்பது கேள்விக்குறி. எனக்கு இன்று வாய்த்தது பிட்சா படத்தினைப் பார்த்துவிட்டு ஏவிஎம் ராஜேஸ்வரி திரையரங்கில்...

ஆருயிர் நண்பன் வேலு மற்றும் மண் படத்தின் தயாரிப்பாளர் கஜேந்திரன் சாருடன் சேர்ந்து ஆறு முப்பதுக் காட்சியினைப் பார்த்தேன். ஒரு படத்தினைப் பற்றிய  எந்த ஒரு விமர்சனத்தையும் படிக்காமல், கதையினைப் பற்றியும் கொஞ்சமும் கேள்விப்படாமல் பார்க்கும்போது, நன்றாக இருக்கும் தருணத்தில் மனதிற்கு மிகவும் மகிழ்ச்சியாயிருக்கும், நல்ல படத்தினைப் பார்த்த நிறைவாயிருக்கும்; நானும் மகிழ்ச்சியாய், நிறைவாய்...

சஸ்பென்ஸ் த்ரில்லர், அமானுஷ்யங்கள் சம்மந்தமான படங்கள் தமிழில் வருவது மிகக் குறைவு, அப்படியே வந்தாலும் நன்றாக இருப்பது அபூர்வம். இந்த படத்தைப் பார்த்த எவரும் இதன் கதையினை எழுதுதலோ, மற்றவர்களுக்கு சொல்லுதலோ கண்டிப்பாய் பார்க்கபோகும் நபரின் சுவராஸ்யத்தை குறைத்துவிடும். எனவே என்னைக் கவர்ந்த விஷயஙகள் மட்டும்... 

கதையினை சொல்லிய விதம் மிக அருமை. பாத்திரப்படைப்புகள், அவர்களின் பங்களிப்பு...

த்ரில் படத்திற்கு உகத்த அருமையான இசை, தேவையான இடத்தில் தேவையான அளவில்...

மிகவும் அற்புதமாய் கேமிரா. இருட்டுச்  சூழலில், டார்ச்சின் குறைந்த வெளிச்சத்தில், திறமையாய் வேற்று வெளிச்சங்களை பயன்படுத்தியிருந்தாகும் தெரியாதவாறு தெளிவாய்... நான்கைந்து இடங்களில் தான் நிகழ்பவைகள் எல்லாம் என்றாலும் போரடிக்காமல் கையாளப்பட்டிருக்கும் கேமிரா...

பன்ச் டயலாக், குத்துப்பாட்டு, சண்டை,  ஐந்து பாடல்கள் என எதுவும்  இல்லாமல், கதை மட்டும் லீனியராய் சொல்லிய விதம்...

நாளைய இயக்குனரில் பார்த்து வியந்தவர்களில் கார்த்திக் சுப்பாராஜும் ஒருவர். அது ட்ரெயிலர்தான் இதுதான் மெயின் பிக்சர் என அசத்தலாய் மிரட்டியிருப்பது...

இயல்பான வசனங்கள். பெரிதாய் கவரவில்லை என்றாலும் பளிச்சென...

கொஞ்சமும் விரசமில்லாத காட்சிகள், அதிகமான லாஜிக் மிஸ்டேக் இல்லாத காட்சியமைப்புகள்...

’ப்ரில்லியண்ட்’ தயாரிப்பாளர் கஜேந்திரன் சார், ’பெரிய அளவில் கார்த்திக் வருவதற்கான வாய்ப்பு அதிகம். ப்ரசெண்ட்டேசன் அருமை’ வேலு...

கார்த்திக் சுப்பாராஜ், விஜய் சேதுபதி, கேமிராமேன் கோபி அமர்நாத் என எல்லோரையும் கைகுலுக்கி பாரட்ட நெகிழ்வாய் ஏற்றுக்கொண்ட விதம்...

மொத்தத்தில் மிகவும் அருமையான ஒரு த்ரில்லர். அவசியம் பார்க்கவேண்டிய படம்.

கீப் இட் அப் கார்த்திக் சுப்பாராஜ் & டீம்...

3 : பேர் படிச்சிட்டு சொல்றாங்க...:

T.V.ராதாகிருஷ்ணன் said...

good review

திண்டுக்கல் தனபாலன் said...

பார்க்க வேண்டும்... ரசித்த விமர்சனத்திற்கு நன்றி...

Elangovan Shanmugam said...

hmm... no punch dialogues, yet you enjoyed the movie!! :-) just kidding! nicely written review! thanks for the review!

 

©2009 ”வாழ்க்கை வாழ்வதற்கே” | Template Blue by TNB