புரட்சி செய்வோம், புறப்படுவீர்...

அரசியலில் நடக்கின்ற

அவலங்கள் பார்த்து

புரட்சியொன்று வெடித்து

புரட்டர்கள் போயொழிய

மறுமலர்ச்சி வந்திங்கு

மக்களெல்லாம் மகிழுமாறு

திருப்பமது நிகழ்ந்து

துயரமெலாம் தொலைந்து

விரும்பும் மனம் நனவாக

வழியேதும் உளதாவென

பெரியோரை கேட்டு

பதிலதுவால் சோர்ந்திட்டேன்

மாற்றமது வருதற்கு

மக்களால் தான் முடியும்

அரசியலார் அது முடக்க

ஆக்கமாய் செய்தலினால்

குறும்பாட்டு கூட்டம்போல்

கடமையினை மறந்து

குறை தெரிந்தும் பின்னே

கூட்டமாய் சென்றிட்டு

மறை வழியை மறந்து

மத வழியை பின்பற்றி

சார்ந்திருக்கும் சாதிக்கட்சி

சகதியினில் இறங்கி

திரையறிவு மறைத்து

தொலை நோக்கு மறந்து

மறை கழன்ற மதியுடன்

மதி நிறைந்த சான்றோரும்

அரசியலார் தடம் பற்றி

அவல வழி சென்று

மாறுதலின் வாய்ப்பதனை

மங்கச் செய்தலினால்

வீரமிகு இளைஞரெல்லாம்

உறுதிமொழி ஆர்த்து

அரசியலை சாராமல்

அரசியலார் நாடாமல்

சீரழிக்கும் சினிமாவின்

நாயகரின் மன்றம்தனை

வேரறுத்து ஒழித்து

உறுதியினை சேர்ப்போம்.

மாற்றமது நம்மால்தான்

மனதிலிதை நிறுத்தி

சோர்வு நேரும் தருணம்

சான்றோர் உரை படித்து

சுறுசுறுப்பை சேர்த்து

சாதனைகள் செய்து

வீறு கொண்டு செல்வோம்

வெற்றியினை சேர்ப்போம்

அனைவருக்கும் இனிய பொங்கல் நல் வாழ்த்துக்கள்....