ஆயிரத்தில் ஒருவன் - சிறுகதை...

ஆயிரத்தில் ஒருவன், ஆயிரத்தில் ஒருவன்னு எல்லாரும் எழுதிகிட்டிருக்காங்களே நாமளும் எழுதிப்பார்த்திடலாம்னு அவன் முடிவு செஞ்சான். 'அவன்' பிரபல எழுத்தாளரா ஆகனும்னு துடிச்சிகிட்டிருக்கிற ஒரு வளரும் எழுத்தாளன்.

சரி நாம எழுதற ஆயிரத்தின் ஒருவன்ல பொங்கலுக்கு ரிலீசான படங்களோட பேர் எல்லாம் வர்ற மாதிரியும் இருக்கனும்னு யோசிச்சி ஒரு வழியா எழுதி முடிச்சான். நைசா எட்டிப்பாத்து படிச்சி சிரிச்சிட்டேன். நீங்களும் பாருங்களேன்...

அந்த ஒரு சிறிய தீவில் ஒரு பெரிய செல்வந்தரால் மாபெரும் கொண்டாட்டம் ஏற்பாடு செய்யப்பட்டிருந்தது. சரியாய் அந்த தீவில் இருந்தது அங்கு கலந்து கொண்ட முன்னூற்று ஒரு நபர்களோடு தீவில் இருப்பவர்களையும் சேர்த்து ஆயிரத்த்து ஒரு பேர்.

திடீரென ஒரே இருட்டு, வீல் என ஒரு அலறல். எல்லோரும் அங்குமிங்கும் ஓட அந்த இடமே ’போர்க்களம்’ மாதிரி ஆனது. திரும்ப வெளிச்சம் வர அந்த செல்வந்தர் கழுத்தில் ‘குட்டி’யாய் ஒரு கத்தி அழுத்த பதிந்து கிழித்து விட்டிருந்தது, வாயைத் திறந்து உயிரை விட்டிருந்தார். நெற்றியில் ஒரு ரூபாய் ’நாணயம்’ ஒட்டப்பட்டிருந்தது. கண்டிப்பாய் அவரை கொலை செய்தது ‘ஆயிரத்தில் ஒருவன்’ தான்.